Инклузивно игралиште за лицата со посебни потреби денеска беше пуштено во употреба на Градскиот кеј во Куманово преку проектот „Љубовта не е само збор“ на Ротари клуб Куманово, а со финансиска поддршка на Амбасадата на Швајцарија.
– Самата идеја за проектот е изгградба на инклузивно игралиште каде децата со посебни потреби ќе може да се рекреираат и социјализираат со останатите деца, рече претседателот на Ротари клуб Куманово.
На пуштањето во употреба на игралиштето присуствуваше и амбасадорката Сибил Зутер која истакна дека рече дека идејата за инклузија на децата со пречки во развој е идеја на Ротари клубот и изрази голема поддршка за проектот.
– Швајцарија веќе долги години организира вакви проекти и нашиот фокус е токму овој инклузивен начин на остварување на проектите. Ова е причината зошто рековме дека е добро да го поддржиме оваа игралиште во Куманово, затоа што е прво игралиште кое е направено за лицата со посебни потреби, рече амбасадорката Зутер.
Игралиштето се наоѓа на крајот на Градскиот кеј каде што веќе постоеше детско катче кое сега доби и сосема нов изглед.
