Кумановки немоќни против интернационалниот состав на Паок

Сподели со своите пријатели

Ракометарките на Куманово ги загубија двете пријателски средби со грчки Паок.

Интернационалниот состав на Паок кој има ракометарки од Словенија, Норвешка, Грција, Македонија и Бразил се покажа како подобар во пријателските натпревари.

Во натпреварот кој денеска се одигра во спортската сала на ООУ „Христијан Карпош“ кумановки имаа солидна игра и на на полувреме се замина со негатива од само четири гола разлика, односно резултат 10:14. Сепак вториот дел од средбата мина во знакот на доминантната игра на ракометарките од грчкиот состав, кои резултатски се одлепија од противникот и натпреварот го добија со 21:29.

Во најдобро издание од избраничките на тренерот Зоран Јосимовски се покажа капитенот Викторија Пеовска со пет реализирани погодоци, а зад неа со по три голови мечот го завршија и Маја Трповска, Мила Трајковиќ, Александра Боризовска и Сања Дабевска.

И во вчерашниот прв натпревар, ЖРК Куманово забележа пораз со резултат 22:25.

Од управата на кумановскиот клуб потенцираат дека соработката со Паок ќе се продлабочува и во иднина, а дека ова е одличен тест за да се убивидат недостатоците на кои ќе се работи во претстојниот период во кој следуваат натпреварите од домашниот шампионат, но и настапите на ЕХФ Челинџ Купот.

Leave a Reply