Комеморативна седница по повод смртта на доајенот на кумановското новинарство Столе Божиновски утре ќе се одржи во кружната сала на поранешен комитет со почеток во 11:30 часот.
На комеморацијата ќе присуствуваат членовите на неговото семејство, колегите, пријателите и долгогодишните соработници.
Божиновски почина вчера на 75-годишна возраст. Роден е во кумановското село Довезенце, а работел првин како просветен работник, па својата кариера ја започнува и во новинарските води. Работи за Радио Куманово, Наш весник, а подоцна и во РТВ Куманово. Во својата богата кариера работел како дописник за повеќе југословенски весници, но и за македонскиот „Утрински весник“.
Погребот ќе се одржи утре (сабота) во 13 часот на градските гробишта во Куманово.