Американската вселенска агенција НАСА објави планови во вредност од 28 милијарди долари за враќање на Месечината до 2024 година, а во таа мисија за прв пат ќе биде вклучена жена астронаут.
Како дел од програмата Артемис, целта на агенцијата е да испрати маж и жена да слетаат на Месечината, првото човечко враќање на ова место од 1972 година.
Но, овој распоред е условен од фактот дека сè уште не е познато кога Конгресот ќе одобри 3,2 милијарди долари за изградба на системот за слетување.
Астронаутите ќе патуваат со вселенското летало „Орион“, капсула која личи на „Аполо“ и треба да биде прикачена на моќната ракета СЛС.
„Сумата од 28 милијарди долари ги претставува трошоците поврзани со нашите активности и програмата Артемис за слетување на Месечината во следните четири години. Има пари за СЛС, за Орион, систем за слетување луѓе и, се разбира, вселенски одела “, рече Џим Брајденштајн, првиот човек на НАСА.
„Овој план бара Сенатот да одобри буџет од 3,2 милијарди долари за изградба на систем за слетување на луѓе следната година. Тоа е од суштинско значење“, додаде тој.
Претставничкиот дом на САД веќе донесе закон со кој се предвидени 600 милиони долари за изградба на леталото, но НАСА мора да добие повеќе пари за да го заврши тој проект.
Во јули 2019 година, Брајденштајн за Си-Ен-Ен изјави дека првата жена на Месечината во 2024 година ќе биде личност која се докажала, таа веќе летала и останала на Меѓународната вселенска станица.
По тој повод, Брајденштајн додаде дека тоа ќе биде некој кој веќе е дел од вселенските единици.
За време на интервјуто, НАСА имала 12 астронаутки. Во меѓувреме, се приклучија уште пет од нив, кои дипломираа порано оваа година.
Останува нејасно дали некоја од нив може да ги исполни критериумите и да лета на првата мисија на Месечината во 2024 година.
Запрашан за распоредот за избор на членови на мисијата Артемис, шефот на НАСА рече дека се надева дека тие ќе бидат избрани две години порано.
„Важно е да започнеме да собираме тим за оваа мисија што е можно побрзо“, рече тој.
Со повторно испраќање на тим астронаути на Месечината, Белата куќа сака да ја засили Америка како лидер во вселенската трка.
НАСА, исто така, планира да собере вредни наслаги на замрзната вода од лунарниот јужен пол. Тие може да се користат за производство на ракетно гориво на Месечината – по пониска цена отколку да бидат донесени од Земјата.
И тоа може да биде основа за развој на економијата на Месечината.
Но, американскиот потпретседател Мајк Пенс изрази загриженост за амбициите на Кина во вселената.
Во јануари 2019 година, азиската велесила стана првата нација која изврши меко слетување на робот ровер на Месечината.
Оваа земја сега се подготвува за првата мисија да донесе примероци на почва од Месечината на Земјата.
Кина развива вселенско летало од следната генерација за нејзините астронаути да можат да летаат во длабоката вселена. Иако кинескиот распоред не предвидува завршување на овој проект до 2024 година, јасно е дека оваа земја напредува кон исполнување на целта до крајот на деценијата.
Новите документи на НАСА ја истакнуваат Првата фаза од планот на САД, кој вклучува план Артемис 1 – тест летови кон Месечината без екипаж – до есента 2021 година.
Кети Лудерс, раководител на одделот за вселенски летови на НАСА, рече дека програмата Артемис 1 ќе трае околу еден месец, така што ќе има доволно време да ги испита сите најважни елементи на системот.
Таа исто така изјави дека пробниот лет ќе го намали ризикот за мисијата Артемис 2, која вклучува лет со астронаути околу Месечината.
На програмата за мисија е додаден нов тест – тој вклучува демонстрација на операциите близу летот.
Набргу откако Орион се оддели од горниот дел од ракетата СЛС – астронаутите рачно ќе го контролираат леталото.
Врз основа на овој тест, ќе се извршат проценки за способноста на Орион, неговиот хардвер и софтвер.
Артемис 3 ќе стане првата мисија што испрати астронаути на површината на Месечината по 48 години.
НАСА обезбеди околу 967 милиони долари за неколку компании кои работат на дизајнирање на возила за слетување на површината.
Подоцна во деценијата, НАСА планира да изгради база на површината на Месечината и да ја именува како Камп Артемис.