Кои се најпаметните градови во светот?

Сподели со своите пријатели

Градовите ширум светот сѐ повеќе се натпреваруваат во тоа кој повеќе ќе ја прифати и ползува современата технологија, според швајцарската анализа објавена во време на дебата за иднината на урбаниот дизајн во ерата на постпандемијата.

Loading...

Од паметни сообраќајни камери и апликации за споделување на возење, до надзор за загадување и бесплатен безжичен интернет за сите, градовите низ светот се натпреваруваат во прифаќање на технологијата.

Така, Сингапур, Хелсинки и Цирих се технолошки најпаметни градови во светот. По нив, следат Оукленд, Осло, Копенхаген, Женева, Тајпеј, Амстердам и Њујорк. Ова, според Швајцарскиот институт за управување со развој и, нивната анализа при дебатата за иднината на технологијата во ерата на постпандемијата.

“Најпаметните градови во светот не прифаќаат нова технологија веднаш, туку се стремат вистински да го подобрат животот на граѓаните“, вели Артуро Брис од Институтот.

На дното на списокот се наоѓаат Абуџа, Најроби и Лагос. Испитувањето опфатило 13.000 луѓе од 109 градови. Прашањата се однесувале на влијанието на технологијата во шест области: здравје, безбедност, сообраќај, движење, можности и управување.

Во Шпанија, Билбао го надмина Мадрид, а вториот по големина британски град Бирмингем напредува подобро од Лондон.

“Во колумбискиот град Меделин, некогаш познат по наркокартелите, стапката на криминал опадна по воведувањето бесплатен безжичен интернет. Тоа им олесни на граѓаните да ги пријавуваат злосторства“, вели Брис.

Големите градови тешко стануваат паметни, иако стручњаците сметаат дека Ковид-19 го забрза преминот кон поинклузивни, позелени, попаметни градови. Така, Брис предвидува и тренд на свртување кон помалите градови.

Loading...

“Мислам дека одиме кон свет во кој ќе бидеме пораспрснати. Ќе бидеме побезбедни ако живееме во помалите градови“, смета тој.

Според него, во случајот на Сингапур, Хелсинки и Цирих, нивната големина им овозможува значително да вложуваат во технологија достапна за сите граѓани.

Leave a Reply