Данската радио-новинарка Луиз Фишер од РАДИО4 неодамна била на деловна задача што вклучувало извештај на лице место за повторно отворање на клуб за свингери во близина на Копенхаген, по повеќемесечна пауза поради пандемијата на коронавирусот.
Оваа млада дама ја сфатила својата задача доста сериозно, до таа мерка што и самата имала односи за време на интервјуто.
View this post on Instagram
Слушателите можеле да слушнат интервјуа со свингери, но и експлицитни звуци на вресоци откако Луиз се приклучила на сексуалните игри.
Таа подоцна објасни дека тоа е нејзиниот начин да добие доверба кај корисниците на клубот, кои се многу мистериозни и тешко се отвораат.
Додека остатокот од Европа и светот беа прилично изненадени од ваквиот потег на русокосата новинарка, директорот на радиостаницата го пофали нејзиниот ангажман и работата и додаде дека тие самите и дале зелено светло за да влезе во интимни односи за време на емисијата.
– Мислам дека е сосема во ред кога нашите новинари експериментираат така што се занимаваат со новинарство на поинаков начин. На овој начин, успеавме да навлеземе подлабоко во целата приказна, отколку да бевме само набљудувачи – рече Тина Крагелунд за скандинавските медиуми.
View this post on Instagram
Оваа дискутабилна акција на 26-годишната новинарка предизвика бурни реакции во јавноста, па не сме изненадени што на социјалните мрежи може да се прочитаат поделени мислења.
Самата Луиз вели дека добила повеќе позитивни отколку негативни коментари, иако неколку колеги и рекле дека ја „пречекорила границата“.
– Немам момче, тоа дефинитивно ги олесни работите. Сето тоа е смешно и забавно за мајка ми, а татко ми смета дека тоа е одличен потег – истакна таа за германски „Билд“.
Таа додаде дека поминала неколку часа во свингерскиот клуб, и дека самиот секс траел само неколку минути и дека не би прифатила доколку не и се допаѓал човекот кој и приоѓал.
View this post on Instagram
– Мислам дека луѓето во свингер-клубот се далеку пољубезни отколку во нормалните барови и клубови. Не мора овде да објаснувате или да давате изговори на никого, само кажете „НЕ“. Уживав во сè, иако тоа не беше најдобриот секс во мојот живот. Но, мажите тука се навистина пољубезни и многу внимателни. Се чувствував како божица. Тие прават да се чувствувате многу посебно – објасни Луиз.