КК Куманово убедливо против АВ Охрид

Сподели со своите пријатели

Кошаркарите на Куманово вечерва на гостински терен го совладаа составот на АВ Охрид во рамките на 3. коло од домашниот шампионат со резултат 67:94.

Извонредната прва четвртина на Куманово му донесе огромна предност пред домаќинот кој имаше мака да направи пресврт во резултатот. Со 32:8 завршија првите десет минути од средбата во „Билјанини извори“.

Во втората четвртина избраниците на тренерот Александар Петровиќ се опуштија и дозволија Охрид да уфрли повеќе кошеви, но сепак не доволно да излезат од длабоката негатива во која влегоа. На полувреме се замина со резултат 32:48.

По паузата во вториот дел од средбата кумановци повторно дозволија противникот да ги надигра со два поени во третиот квартал од средбата, меѓутоа и натаму го задржуваше константното водство во резултатот.

Во последната четвртина доследноста на играта на кошаркарите на Куманово им донесе уште повисока предност, па тренерот Петровиќ одлучи шанса да им пружи и на младинците во својот состав, кои исто така прикажаа дека можат да му парираат на домаќинот Охрид.

Со конечни 67:94 Куманово оствари трета победа сезонава.

Кај победникот Филип Думиќ триумфираше со 21 поен, а со по 11 поени мечот заврши за Филип Стојановски и Бранислав Ѓекиќ.

Кај домаќинот со 14 поени најефикасен беше Младеновиќ, а со поен помалку и Миладиновиќ.

И по третото коло Куманово останува на втората позиција во табелата, со ист број на бодови како Работнички и Блокотехна.

Следниот меч кошаркарите на Куманово го играат на домашен терен против составот на Работнички.

Leave a Reply