Кинеските бродови кои „исчезнуваат“ се нов проблем во глобалните синџири на снабдување

Сподели со своите пријатели

По стапувањето во сила на новиот закон за заштита на податоците, многу кинески бродови повеќе не споделуваат информации за нивното движење, брзина и други податоци кои се важни за глобалниот синџир на снабдување.

Loading...

Една од темите што доминира во медиумите во пресрет на почетокот на празничниот шопинг е немањето работи – од најозборуваниот чипс до детските играчки. Во последните месеци често читаме предупредувања дека божиќните подароци треба да се нарачаат порано оваа година бидејќи многу производи нема да бидат достапни во декември.

 

 

Каква ќе биде состојбата на пазарот ќе дознаеме во текот на следниот месец, а дел од експертите предупредуваат на уште еден проблем кој се појавил во ноември и т.н. „Кинески бродови што исчезнуваат“.

Кина е дом на шест од 10-те најголеми пристаништа за контејнери во светот и јасно е колку е важна таа земја во глобалниот синџир на снабдување, но се чини дека поради новиот закон кој стапи на сила на 1 ноември, кинеските бродови повеќе не можат да бидат следени  на нивните патувања во кинеските води. Имено, новиот закон за заштита на личните информации налага, пред да се обработат и споделат некои податоци од Кина, прво да се добие дозвола од кинеската влада.

 

Loading...

 

Интересно е тоа што законот не ги спомнува бродовите, но компаниите се уште не сакаат да преземаат ризици, па решија да не споделуваат информации преку системот за автоматска идентификација (AIS) што се користи во превозот и кој споделува информации како што се името на бродот, позицијата, брзината и слично. Овие податоци се исклучително важни за следење на движењето на бродовите и за зголемување на ефикасноста на пристаништата, а експертите тврдат дека „бродовите што исчезнуваат“, односно оние што повеќе не се појавуваат меѓу податоците на индустриските системи за мониторинг, ќе создадат нови проблеми за глобалните синџири на снабдување.

 

 

Како што истакнуваат на Си-Ен-Ен, оваа желба за целосна контрола на податоците и информациите во границите на Кина не е изненадувачка, ако ги погледнеме најновите потези на претседателот на најнаселената земја во светот, Кси Џинпинг. Владејачката партија сака да управува со сите аспекти на економијата и општеството и, меѓу другото, поради американските забрани, се обидува да стане самодоволна економија која нема да зависи од соработката со другите земји.


Loading...