Кина објави листа на заблуди во американската перцепција за Кина

Сподели со своите пријатели

Кинеското Министерство за надворешни работи објави напис со наслов „Заблуди во перцепцијата на Америка за Кина и вистината“ како одговор на говорот на американскиот државен секретар Ентони Блинкен за политиката во Кина.

Loading...

Како што е соопштено од China Media Group (CMG), Министерството наведе 21 заблуда во американската перцепција за Кина, побивајќи ги една по една со факти и податоци, откривајќи ја измамата, лицемерието и штетата на американската политика кон Кина.

ПРОЧИТАЈТЕ И:  Во некои делови на Хавана протести поради прекини на струја

Во неодамнешниот говор за кинеската политика, Блинкен рече дека Кина претставува „најсериозен долгорочен предизвик“ за меѓународниот поредок, преувеличувајќи ги кинеските закани, мешајќи во внатрешните работи на Кина и валкајќи ја внатрешната и надворешната политика на Кина, пренесува CMG.

Кинеското Министерство за надворешни работи оцени дека „меѓународниот поредок заснован на правила“ што го рекламираат Соединетите држави е всушност реплика на американската политика на моќ, наметнувајќи ја сопствената волја и стандарди на другите и ги заменува општоприфатените меѓународни закони со „правилата на бандите“ на неколку земји.

ПРОЧИТАЈТЕ И:  Италијанците од денес без маски во јавен превоз

Во написот се нагласува дека концептот на заедница со заедничка иднина за човештвото, предложен од Кина, постојано е впишан во важни документи на мултилатералните механизми како што се Обединетите нации и Шангајската организација за соработка.

Генералниот секретар на ОН Антонио Гутереш рече дека Кина стана важен столб на мултилатерализмот, а целта на кинеската практика на мултилатерализам е да изгради заедница со заедничка иднина за човештвото.

Кина верува дека постои само еден поредок во светот, меѓународниот поредок заснован на меѓународното право; има само еден збир на правила, основни норми кои ги регулираат меѓународните односи врз основа на целите и принципите на Повелбата на ОН, се нагласува во текстот.

ПРОЧИТАЈТЕ И:  САД и Велика Британија испратија предупредување до Путин!