КБК „Предатор“ со пет медали од 2-то Државно првенство (ФОТО)

Сподели со своите пријатели

Кикбокс клубот „Предатор“ од Куманово на второто Државно првенство во организација на Киксбокс Маитаи Федерација на Македонија, кое се одржа минатата сабота во Скопје, учествуваше со 6-мина натпреварувачи, а се врати со дури пет медали, две златни и три бронзени.

Со медали се закитија Леонид Павловски 1 место јуниор во категорија -84кг, Ана Илиевска 1 место јуниор +70кг, Стефан Јовчевски 3 место постар кадет +75кг, Милица Ѓорчевска 3 место постар кадет -60кг, Денис Љатифи 3 место јуниор -63кг и Буњан Даипи сениор -74кг е без медала, но со одличен прв натпревар во својата кариера.

Loading...

Од клубот истакнаа дека се задоволни од постигнатиот пласман, но и од организацијата на натпреварувањата.

-Се се должеше на напорната работа на нашите ученици, но и на нас тренерите, мене, Оливер Милорадовски и Оливера Свилар. Одржувавме вонредни тренинзи, цело време се подготвуваме и некако беше очекуван овој резултат. Беше јака конкуренцијата, имаше клубови од целата држава. Организацијата беше одлична благодарение на новата постава на Кикбокс Маитаи Федерација со новиот претседател Дејан Митровски Урко и секретар Драган Атанасовски Драгче-истакна Јован Крстевски, тренер во КБК „Предатор“ Куманово.

Актуелните јуниорски шампиони Ана Илиевски и Леонид Павловски истакнаа дека се задоволни од резултатот, но и дека конкуренцијата била тешка. 

-Тренирам кикбокс нешто повеќе од две години за мене ова е трето учество на државно првенство. Минатата година се закитив исто така со златен медал. Сега пред еден месец кога учествуваме земав два сребра и сега повторно со златен медал, навистина е тешко, но доколку напорно се тренира со помош на тренерите, со нивните искуства се може да се постигне-посочи Ана Илиевска.

-Ова е моја прва борба на државно првенство, задоволен сум што освоив прво место, имаше голема конкуренција, но се помина добро-истакна Леонид  Павловски.

Loading...

На оваа првенство се одржал и семинар за лиценцирање на судии и тренери, на тренерот од КБК Предарот Јован Крстевски се здобил со Б класа судија, а тренерот Оливер Милорадовски со Ц класа тренер.

КБК Предарот во наредниот период го очекува учество на уште едно државно првенство, но и на балканското кое треба да се одржи во Скопје. Инаку клубот работи на 2 локации во градот, на 3 МУБ и во населбата Перо Чичо, поточно во месноста викана Магаза.


Leave a Reply

Your email address will not be published. Required fields are marked *