Преку ноќта времето беше ведро, а изутринава е сончево со мала локална облачност, велат од Управата за хидрометеоролошки работи.
Во текот на денот времето ќе биде сончево и релативно топло со слаб јужен ветер. Максималната температура ќе биде во интервал од 12 до 18 степени, велат од УХМР.
Во Куманово и околината денеска ќе имаме сончево до умерено облачно време. Ќе дува слаб ветер од јужен правец. Максималната дневна температура ќе достигне 13 степени, а во текот на ноќта истата ќе се спушти на нула степени целзиусови.
Во текот на деновите што следуваат слично време се очекува се до четврток. Утре ќе биде најтопло неделава, со максимални 16 степени целзиусови и периоди на сонце и облаци. Слично време ќе има и во среда, но со четири степени пониска температура.
Четврток веќе носи наоблачување и услови за врнежи од дожд, пропратено и со поголем пад на температурата. Максимумот тој ден ќе достигне само шест степени.
Петок и сабота ќе имаме делумно сончево време, а веќе во недела вистинско пролетно време со 15 степени.
Никола Ивановски