Постојат многу причини поради кои многу луѓе се борат со стрес и вознемиреност во последно време, а една од нив е фактот дека тие работат од дома и дека им е тешко да го одделат работното време од остатокот од денот.
Кога нема физичко растојание помеѓу домот и работата, границата е сè повеќе нејасна и често се случува работниот ден да не заврши кога треба. Сè се сведува на уште еден е-мејл или завршување на некои обврски што сигурно може да почекаат до утре. Покрај тоа што треба да станете од работната маса, постојат и други процедури кои можат да ви го подобрат расположението по работните часови.
1. Запишете ги плановите за следниот ден
Може да ви се случи вечерта да се грижите за тоа како ќе ги постигнете сите обврски што ве чекаат следниот ден и дека оваа вознемиреност ќе ве изеде. Еден начин да го победите овој проблем е да бидете добро организирани, односно да запишете на парче хартија или на телефон се што треба да завршите. Со оваа листа ќе бидете поподготвени следниот ден и нема да ја поминете вечерта нервозно потсетувајќи се на сè што ве чека.
2. Згответе вечера
Да, тоа е нешто што ве прави уште позаморни, но ќе ве ангажира во секоја смисла и ќе го окупира вашиот мозок, така што повеќе нема да размислувате за одговарање на е-мејл поштата. Исто така, мирисот на свежа храна за време на готвењето е нешто што секогаш радува и релаксира. Можете исто така да планирате оброци за следниот ден и да заштедите време.
3. Прошетајте
Вежбање после станување се препорачува, но ако не сте на некои сериозни вежби, вашето тело и ум ќе ви бидат благодарни ако барем одите на прошетка. Барем донекаде е замена за таа физичка промена помеѓу работата и домот и секако е здрава навика. За време на прошетката, треба да размислите за тоа што сте постигнале и за што сте благодарни, за да добиете чувство за остварување и исполнување.
4. Имајте некое хоби
Препораката, што веројатно сте ја слушнале повеќе пати претходната година, воопшто не треба да се игнорира. Зафаќањето на рацете со некоја практична работа дефинитивно ќе ви донесе нова димензија после работа, без разлика дали станува збор за некаков вид цртање или сликање, плетење, оригами или составување сложувалка. Можете дополнително да го окупирате вашиот мозок со решавање на енигматски задачи, особено со судоку, или гледање забавен квиз.
5. Пресоблечете се
Сите веќе ја научивме лекцијата дека останувањето во пижами цел ден не е добар потег кога станува збор за одвојување на работата и слободното време. Можеби не носите костум, но неопходна е некаква промена. Истото важи и за вечерните часови, бидејќи со промена на облеката си сигнализирате себе си дека работата е завршена и дека сега е време за некои забавни активности и релаксација.