Во својот прв настап надвор од Македонија во 2016 година, екипата на ЖРК Куманово составена од девојчиња родени до 2000/2001 година настапуваа на еден од најпознатите европски турнири во оваа категорија во Бар, Црна Гора.
Девојките одиграа пет натпревари и постигнаа четирири победи до сега.
ЖРК Куманово – Окотоих Подгорица (Црна Гора) 27:25
ЖРК Куманово – Сарокометернас (Шведска) 16:14
ЖРК Куманово – Бар 29:27 (Црна Гора)
ЖРК Куманово – Бек 18:12 (Црна Гора)
ЖРК Куманово – Феникс 12:19 (Црна Гора)
Групната фаза ја завршија на делба на првото место. Полуфиналето се игра денеска, а тренерот на екипата Димитар Антевски на кратко изјави дека е задоволен од сите постигнувања како на индивидуален план така и на тимски план во екипата.
Во нашиот тим доминира Мила Трајковиќ со 42 гола на 5 натпревари, а голем придонес дадоа и Сара Цветановска со 15 гола и Јована Кипријановска со 11 гола.
Со оглед на тоа што тие првпат играат заедно и во оваа возрасна категорија на ваков силен турнир, задоволство е што на сите натпревари покажаа завидно ниво на борбеност – вели Антевски.
Искуството што го собираат сигурно ќе им биде добредојдено за во иднина, и заложбата на ЖРК Куманово е членовите на клубот постојано да имаат натпревари и надвор од државата со цел да се играат силни мечеви со различни противници.