Јапонија, Велика Британија и Италија веќе следната недела ќе објават револуционерен договор за заеднички развој на напреден борбен авион, соопштија два информирани извори.
За Токио и Лондон, ова значи кулминација на претходните одбранбени врски, кои за возврат ѝ даваат на Британија поголема безбедносна улога во Азија и на Јапонија и обезбедуваат нови безбедносни партнери кои можат да и помогнат во борбата против растечката воена моќ на соседна Кина.
Обидот за спојување на британскиот млазен борбен проект Tempest со јапонската борбена програма F-X првпат беше објавен од страна на Ројтерс во јули.
Тоа ќе биде првпат Јапонија да соработува со земји надвор од САД на голем проект за одбранбена опрема.
Проектот ќе биде објавен пред Јапонија да објави нова стратегија за национална безбедност и план за воени набавки, велат изворите.
Зголемувањето на вооружувањето, кое би можело да го удвои јапонскиот национален одбранбен буџет на околу 5 отсто од бруто домашниот производ во следните неколку години, ќе плати за ново оружје, вклучително и ракети со долг дострел за да ја одврати Кина од воена акција во и околу Источното Кинеско Море.
Разговорите меѓу Јапонија, Британија и Италија за нов борбен авион што ќе го водат BAE Systems Plc и Mitsubishi Heavy Industries ќе продолжат следната година за да се утврдат деталите за поделбата на работата, велат изворите.
Јапонската владејачка Либерално-демократска партија, исто така, ги разгледува предлозите за релаксирање на правилата за воен увоз за заедничкиот борбен авион да може да се извезува, рече во интервју минатиот месец Ицунори Онодера, поранешен јапонски министер за одбрана и влијателен пратеник.