Мери Мелон, со прекар „Тифусна Мери“, е најпозната како „нулта пациентка“, која била одговорна за разгорување на епидемијата на тифусна треска во Њујорк во 1906 година.
По потекло од Ирска, Мелон емигрирала во САД, каде работела за богатите како готвач.
По бројните случаи на тифус меѓу членовите на богатите семејства во Њујорк, лекарите утврдиле дека изворот на болеста е Мери, поради што таа била и првата личност во САД, идентификувана како асимптоматски носител на болеста.
Се верува дека Марија заразила 53 лица со тифусна треска, од кои тројца починале.
Таа била здрав носител – лице кое ја носи бактеријата, но нема никакви симптоми на болеста, па полесно е да се пренесе инфекцијата на други.
Постојат сè поголеми докази дека некои луѓе се поефикасни од другите кога станува збор за ширење на вирусот, а случајот со Мери Мелон е првиот регистриран случај на такво лице, кое исто така се нарекува супер-носач.
Во тоа време, неколку илјади жители биле заразени со тифусна треска во Њујорк, а стапката на смртност била десет проценти.
И поимот „нулта пациент“ носи стигма.
Бројни лекари се против идентификување на првиот документиран случај на инфекција, бидејќи се плашат дека може да резултира со дезинформации за болеста или дури и виктимизација на одредена личност.
Мери Мелон била ставена во доживотен карантин на 27 март 1915 година.
Таа била ставена во карантин на островот Норт Брадер. Тоа е остров среде Ист Ривер во Њујорк, недалеку од Бронкс.
Мери преживеала карантин повеќе од 23 години. Таа починала на 69-годишна возраст, не од тифус, туку од пневмонија.
За време на нејзиниот престој во карантин, таа станала позната личност, па ја посетувале и новинари (го добила прекарот „Typhoid Mary“ – Тифусна Мери). Сепак, на новинарите дури им било забрането да земат и чаша вода од неа.