Израелските научници велат дека го реконструирале скелетот на изумрениот праисториски човек, Денисован.
Loading...
За постоењето на овој вид маж, кој живеел рамо до рамо со неговите далечни роднини – неандерталците и современите луѓе – дознавме во 2008 година кога дел од коската на малиот прст на девојчето кое починало пред околу 70 илјади години, било пронајдено во сибирската пештера.
Оттогаш се пронајдени три заби на членови на овој вид, врз основа на кои се утврдени особеностите на нивната ДНК и е направена оваа реконструкција.
Инаку, генетската трага на Денисован ја носат некои азиски народи, а се верува дека Тибетанците се во можност да живеат на големи височини токму заради гените на овој изумрен човечки вид.