Паметните телефони и апликациите ја отворија вратата за мноштво нови услуги кои го подигнуваат квалитетот на секојдневниот живот.
Додека практиката за изнајмување велосипеди без човечка интервенција се шири низ градовите ширум светот, со цел да им се овозможи на туристите и жителите полесно и еколошки да се движат, на Далечниот исток на дигиталните изнајмувања на возилата на две тркала, им се приклучија, звучи скоро неверојатно , чадорите.
Изнајмувањето чадор звучи како работа што ќе има добар ефект во екстремно сиромашна средина, каде што луѓето немаат ниту доволно пари за јадење, па не можат да си дозволат да купат чадор.
Сепак, земјата во која овој бизнис зема замав е Јапонија, земја во која бруто домашниот производ по глава на жител е над 40 илјади американски долари.
Услугата за дигитално изнајмување чадори во таа островска земја на Далечниот исток најпрво ја понуди компанијата „Nature Innovation Group“. Компанијата, со седиште во главниот град Токио, е основана во средината на 2018 година, а на крајот на истата година започна да изнајмува чадори, потпирајќи се на употребата на паметни телефони и дигитални апликации.
Во 2019 и 2020 година, таа потпиша договори со неколку од најголемите железнички превозници во земјата, така што нејзините чадори од платно сега се нудат на околу 800 локации, претежно станици, во големите градови како Токио и Фукуока.
Податоците од крајот на март годинава покажуваат дека во земјата има околу 120.000 регистрирани корисници, а компанијата има намера во иднина да ги прошири услугите во стоковните куќи и трговските центри.
Борба против потрошувачката и прекумерниот отпад
Изнајмувањето се заснова на апликација што обезбедува увид каде може да се позајмуваат чадори и колку се достапни. Со поставување на телефонот на скенерот на платформата со чадори или читање на QR-кодот насликан на него, се отклучува механизмот што ги штити чадорите.
Сепак, тие дури и тогаш не можат да се отворат бидејќи секој има заклучување на рачката како оној на куферите, па евентуално кршење на штанд за чадори за потенцијални крадци е само половина од работата – се отвора исклучиво благодарение на апликација која им кажува на клиент потребната комбинација од три броја.
По употребата, чадорот се чува во кутија или штанд предвиден на истата или на друга локација. Плаќањето се врши преку интернет, со кредитна картичка или со електронски пари депонирани во соодветна апликација наменета за парични трансакции.
Во Јапонија, евтини чадори со едноставен пластичен (проsирен или бел) капак се достапни на скоро секој чекор веќе неколку децении. Тие се продаваат дури и во најмалите супермаркети, што во големите урбани средини значи дека е можно да се пласираат на секои неколку стотици метри во секое време.
Според сегашниот курс, во зависност од големината и тежината, тие чинат помеѓу три и пол и пет и пол евра. Ниската цена и сеприсутноста им помогнаа на граѓаните да развијат навика да купуваат нов чадор секогаш кога ќе бидат без него, поради што домаќинствата во Јапонија често имаат вистински мали арсенали од пластични чадори, кои растат со секоја нова метео непогода.
Голем број на луѓе свесно ги фрлаат овие чадори како потрошен материјал, веднаш по употребата, и многу граѓани кои ги забораваат во транспортот или пред продавниците, каде што често се привремено чувани, и кога ќе ја забележат дека го загубиле не се подготвени да направат обид да го вратат, бидејќи материјална загуба е занемарлива. Сето ова придонесува за влошување на проблемот со пластичен отпад.
Услуга што е корисна и за паричникот и за околината
За да се пробие на пазарот, компанијата „Nature Innovation Group“ мораше да ги исполни тие услови и да ги искористи слабостите на постојниот систем. Тоа го стори со одредување на цена од само 70 јени (околу половина евро) на ден или 280 јени (нешто повеќе од две евра) месечно за да ги користите нивните чадори, истакнувајќи ги придобивките од изнајмувањето на овие уреди во однос на набавките, особено оние еколошките.
И, навистина, придобивките од услугата за изнајмување се многубројни. Како прво, постои психолошка негрижа, бидејќи нејзините корисници се во можност да се заштитат од врнежи дури и ако некаде го заборават чадорот или го изгубат на патот.
Исто така, постои ефект на зголемување на удобноста, бидејќи оваа услуга ги ослободува граѓаните од потребата да носат чадор со себе во деновите кога не е сигурно дали ќе врне. Во економска смисла, на корисниците им се заштедуваат неколку евра што инаку би ги дале за нов чадор, а згора на тоа има и еколошка предност бидејќи ја намалува побарувачката за евтини пластични чадори, кои лесно се отфрлаат и ја загадуваат животната средина.
Досега, најголемите клиенти, железнички компании, се разбира, се мотивирани од желбата да се подобри удобноста на патниците и да се гледаат на нивните станици како средини кои обезбедуваат корисна и детална услуга.
Бизнис рентањето на чадори е форма на напор на материјално богатите, прагматични општества да им обезбеди на своите членови уште повеќе можности и уште побезгрижен и удобен живот, а истовремено да ја намали количината на отпад.
Односно, тоа е израз на богатство, па дури и слободно време, бидејќи општествата што уживаат во мир и добар јавен ред можат да си дозволат да се посветат на ситници, мали подобрувања во области за кои не се ни размислуваат оние што се презаситени од големи социјални проблеми.