Индиските хирурзи соопштија дека на еден пациент му отстраниле тумор на мозокот со рекордна големина од скоро два килограми.
Пациентот Сантал Пал, 31-годишен трговец, опериран е на 14. февруари во болница во Мумбаи, каде му е отстранет туморот.
– Операцијата беше исклучително тешка, рекол началникот на неврохирургија во болницата Тримутри Надкарни и додал дека хирушката интервенција траела седум часа, по што успешно е отстранет тумор на мозок со големина од 1,87 килограми.
Хирургот рекол дека тоа е најголемиот тумор на мозокот кој е отстранет на пациент.
Пациентот полека заздравува, а започнал и да чекори и самостојно да јаде, наведуваат хирурзите.
Претходниот „рекорд“ бил тумор со големина од 1,4 килограми.