Технолошкиот претприемач Илон Маск откри дека има Аспергеров синдром во американското забавно шоу Saturday Night Live.
Овој 59-годишник им рече на гледачите дека тој е „првиот човек со Аспергеров синдром“ кој водел забавна емисија – со силен аплауз од публиката.
Луѓето со Аспергеров синдром може да имаат потешкотии во социјална интеракција.
Ова се смета за првпат Маск да зборува за својата здравствена состојба.
„Јас не секогаш имам многу интонации или варијации во начинот на кој зборувам… и ми велеа дека е одлично за комичар“, се пошегува тој во воведниот монолог.
„Всушност, вечерва влегувам во историјата како првиот човек со Аспергеров синдром што гостува во оваа емисија“.
Неговиот коментар предизвика аплауз од публиката во студиото.
Некои луѓе на социјалните мрежи, сепак, го доведоа во прашање неговото тврдење.
Тие истакнаа дека комичарот Дан Акројд, кој јавно зборуваше за сопственото искуство со синдромот на Турет и Аспергер, претходно го водеше ова исто шоу.
Маск, кој има повеќе од 53 милиони следбеници на Твитер, исто така се пошегува дека ги користи социјалните мрежи.
Во минатото, тој се соочуваше со критики, па дури и со законски закани заради сопствените твитови.
„Погледнете, знам дека понекогаш кажувам или објавувам чудни работи, но токму така функционира мојот мозок“, рече тој.
„На секој што е навреден, само сакам да кажам дека измислив електрични автомобили и испраќам луѓе на ракет на Марс.
„Дали помисливте дека ќе искулирам?“
Милјардерот се пошегува и на необичното име на неговиот син – тој и пејачката Гримс минатата година го објавија раѓањето на нивното прво дете XÆA-12 Mask.
„Вина е мачката што мина преку тастатурата“, рече Маск.
Подоцна во програмата, извршниот директор SpaceX зборуваше за криптовалутата Dogcoin.
Валутата ја направија неколку софтверски експерти во 2013 година, а на почетокот на оваа година, вредноста скокна за 50% кога Маск ја нарече „народна криптовалута“.
Тој го користи кучето Шиба Ину како маскота, а се темели на меме со животно.
Што е Аспергеров синдром?
Аспергеровиот синдром е доживотна попреченост што ги погодува луѓето на различни начини.
Синдромот е именуван по австрискиот педијатар Ханс Аспергер, кој во 1944 година опишал деца кои очигледно имаат нормална интелигенција, но немаат невербални комуникациски вештини, се физички несмасни и не покажуваат емпатија.
Некои го користат терминот, додека други претпочитаат да користат аутизам или аутистичен спектар.
Оние со овој синдром може да имаат потешкотии во толкувањето на вербалниот и невербалниот јазик и можеби ќе треба повеќе време за обработка на информациите.
Тие исто така може да имаат проблем да ги изразат своите чувства на вообичаен начин. Но, тие можат да бидат повеќе емпатични или емотивно свесни отколку неаутистичните луѓе.
Многу луѓе со Аспергеров синдром имаат интензивни и фокусирани интереси – некои ги насочуваат кон успешна кариера.