Група ортопеди, индустриски инженери и пациенти развија, во соработка со научници од Институтот за технологија во oaенова, специјална протетичка рака, која може да им врати на инвалидите 90% од функционалноста.
Таа е дизајнирана за да ги репродуцира природните движења и зафатот на раката, така што луѓето можат да вршат дури и најчувствителни постапки.
ИДНИНАТА ПРИСТИГНА: 3Д принтер направи куќа на два ката (ВИДЕО)
Истражувачите велат дека софистицираниот производ е подготвен за пазарот и бараат потенцијален инвеститор.
За време на тестирањето, луѓето се соживеале со помагалото во рок од една недела.
Се прилагодува на секоја ситуација
Вештачката рака „Ханес“ е дизајнирана за целодневно носење и е опремена со бројни детектори за движење на мускулите, во горниот или долниот дел од телото.
„Тајната е во нејзината механика, потполно единствена на пазарот, што овозможува голема подвижност. „Ханес се прилагодува на секоја ситуација, со помош на еден мотор“, велат експертите.
ИДНИНАТА ПРИСТИГНА И ЗА НИВ: Куче-робот носи овци на пасиште (ВИДЕО)
Преку апликацијата за мобилен телефон и Bluetooth, можно е да се прилагодат нејзините параметри, вклучувајќи ја точноста на зафатот и брзината на движење. Ја има во две големини и е погодна и за левораките и за деснораките.
Неговите индивидуални параметри ги надминуваат можностите на помагалата познати на пациентите и медицината, а особено е силен во сегментот на напојување и траење на батеријата.
За успехот на истражувачите кои работеа на овој важен проект пишуваше и угледниот „Science Robotics“.