Денеска претпладне низ Македонија ќе имаме сончево време со мала до умерена облачност, информираат од Управата за хидрометеоролошки работи.
Попладне ќе биде нестабилно со пороен дожд и грмежи.
Локално процесите ќе бидат поинтензивни во форма на невреме со пообилен дожд за кратко време, електрични празнења, силен ветер и појава на град.
Минималната температура ќе биде во интервал од 11 до 16, а максималната ќе достигне од 23 до 30 степени.
Во Куманово и околината денеска ќе имаме сончево време во претпладневните часови, додека попладне се очекува појава на нестабилност проследена со пороен дожд и грмежи.
Од страна на Управата за хидрометеоролошки работи за кумановскиот регион за денеска е издадено жолто предупредување за опасност од невреме со грмотевици.
Ќе дува слаб до умерен ветер од запад и југозапад, а температурата ќе се движи во интервал од 14 степени во утринските часови до максимални 25 степени целзиусови во текот на денот.
Според УХМР и во следните денови на повеќе места во попладневните часови ќе биде нестабилно со пороен дожд и грмежи.
Локално процесите ќе бидат поинтензивни во форма на невреме со пообилен дожд за кратко време, електрични празнења, силен ветер и појава на град.
Температурите ќе бидат без поголема промена.
Никола Ивановски