Цената на бензините се зголемува од половина до еден денар за литар, а дизел горивата од ноќеска на полноќ поскапеа за еден денар, одлучи вчера Регулаторната комисија за енергетика (РКЕ).
Со одлуката се врши зголемување на малопродажните цени на нафтените деривати во просек за 1,48 отсто.
10 правила кои штедат пари и гориво
Малопродажната цена на бензинот ЕУРОСУПЕР БС-98 се зголемува за половина денар и ќе изнесува 69,5 денари за литар. Останатите горива поскапуваат за еден денар за литар така што новата цена на бензинот ЕУРОСУПЕР БС-95 ќе изнесува 67,5, на дизелот ЕУРОДИЗЕЛ (Д-Е V) 62,5, а на Екстра лесното масло за домаќинство (ЕЛ-1) 52,5 денари за литар.
Со одуката на РКЕ за 0,494 денари за килограм поскапува и малопродажната цена на мазутот М-1 НС и сега ќе чини 31,641 денари.
Уште колку километри можете да поминете по вклучувањето на ламбата за резерва на горивото?
Како причина за зголемувањето на цените на горивата од РКЕ ги посочуваат за 2,94 отсто повисоката просечна цена на бензинот и за 3,42 отсто на дизелот на светскиот пазар во изминатите седум дена, како и за 0,076 отсто понискиот курс на доларот во однос на денарот.