Франција ја прогласи 2022 година за најтопла досега

Сподели со своите пријатели

Во Франција годинава беше најтопла откако се регистрирани мерењата, објави националната метеоролошка служба.

Loading...

Со оглед на континуираното глобално затоплување, оваа информација изненади малкумина.

Во Франција оваа година, од мај до октомври, имаше неколку топлотни бранови и екстремни настани како шумски пожари во Бретања.

Високите температури му нанесоа штета и на живиот свет во Средоземното Море.

„Со исклучок на јануари и април, сите месеци оваа година беа потопли од вообичаеното“, објави Метео Франс.

Се проценува дека просечната температура годинава ќе биде меѓу 14,2 и 14,6 степени Целзиусови, во зависност од тоа какви ќе бидат температурните вредности во декември.

Се очекува и најсушна година

Тоа е значително повеќе од претходниот рекорд, 14,07 степени од 2020 година. Годишните врнежи се очекуваат да бидат 25 отсто под нормалата, што би можело да биде најсушната година досега.

На глобално ниво, доколку се потврдат проекциите на ОН, секоја од последните осум години би требало да биде потопла од која било пред 2015 година.

Loading...

Просечната температура на Земјата е за 1,1 степен повисока отколку на крајот на 19 век, а половина од тоа зголемување се случило во последните 30 години, објави во ноември Светската метеоролошка организација.