Блиските средби на беспилотни летала со вулканите очигледно стануваат тренд, бидејќи во најновиот случај едно беспилотно летало заврши во кратерот на вулкан.
Корисникот на YouTube, Џои Хелмс, на својот канал објави снимки од ерупцијата на вулканот Фаградалсфjaла на Исланд, снимени со сосема нов дрон DJI FPV.
Проблемот е во тоа што ова беше и последното летање на тој дрон, бидејќи сопственикот се обиде да го маневрира преку огнен млаз лава, секако без успех.
Сликата е направена во долината Гелдингадалир во Исланд, каде што се наоѓа вулканот.
Сепак, снимката што дронот успеал да ја сними дава редок поглед во калдерата на вулканот и фонтаната лава за време на ерупцијата.
– Беспилотните летала FPV се познати по несреќи, тоа е дел од хоби. Така, во обид да добиеме уникатен поглед на кратерот, летавме со овој неверојатно способен дрон што е можно поблиску до реките лава и калдера. Се испостави дека е еден од тие обиди и негов последен. Но, барем очилата снимаат во одлична резолуција од 1080p, што ни овозможува да ги фатиме последните секунди што ги виде дронот, напиша Хелмс во коментарот под снимката.