Студија по нарачка на компанија за кондоми открила дека најважно за добар секс е она што се случува шест минути пред чинот.
Во студијата учествувале 1.500 Канаѓани, а резултатите покажале дека за да сексот биде задоволителен и за двајцата партнери, потребно е да поминете најмалку шест минути уживајќи во нежни активности пред односот.
Овие активности вклучуваат бакнување, гушкање, еротска масажа и други видови предигра.
Во споредба со оние кои имале пократка предигра или едноставно „се фрлиле на работа“ веднаш, паровите кои одвоиле малку време за нежни допири откриле дека се чувствуваат многу подобро по сексот.
Правилото од шест минути е особено важно за жените, а 61 процент од испитаниците потврдиле дека не можат да доживеат оргазам без него.
За мажите, ова правило не е клучно за постигнување оргазам, но секако го направи сексот повозбудлив и пријатен.
Интересно е и тоа што овие парови откриле дека нивното задоволство е далеку поголемо кога се галеле и после секс.
Ова го потврдиле дури 56 проценти од мажите и 55 проценти од жените.
Секс експертот Робин Милхаузен од универзитетот Гелф даде свое мислење за ова истражување и истакна дека е многу важно да не брзате со самиот однос.
„Во хетеросексуалните односи, главниот настан е самата пенетрација. И ние често забораваме на придобивките во однос на интимноста што се случува по самиот чин. Тогаш сме ранливи, опуштени сме, се чувствуваме поврзани со партнерот и тоа е совршен време да се развие блискост што може да доведе до поголемо сексуално задоволство“, вели Робин, нагласувајќи дека шест минути се „клучното време“.
„Многу парови кои се задоволни со сексот мораат доста да се потрудат во односот. Ова е едноставна работа што можат да ја направат, и не бара премногу посветеност и не чини ништо”, заклучила таа.