Во Полициска станица од Општа надлежност Куманово, на 18.03.2018 година во 03,00 часот, од страна на лекар од Општа Болница Куманово – хирушко одделение е пријавено дека во Хирушка амбуланта за укажување на лекарска помош се јавиле две лица кои се здобиле со повреди при физичка пресметка.
Од страна на СВР Куманово се преземени мерки и активности при што е констатирано дека лицата И.Ф.(21) и Н.М.(21) двајцата од Куманово околу 01,30 часот на 18.03.2018 година додека се возеле и застанале пред пицерија лоцирана на крстосница од улица „Народна Револуција“ и „Илинденска“ кон нив пришле четири непознати машки лица и ги нападнале по што лицата пеш избегале од местото на настанот, информираат од Секторот за внатрешни работи Куманово.
На И.Ф. му е укажана лекарска помош во Комплекс Клиники „Мајка Тереза“ во Скопје додек кај Н.М. констатирани се телесни повреди.