Како што информира СВР Куманово, во текот на вчерашниот ден, поточно во 21,00 часот на ГП – Табановце допатувала К.П.(38) од Албанија и при извршена контрола во патната исправа постои сомнение дека истата е фалсификувана, односно намерно е вршено механичко бришење на информација внесена на страница бр.3, по што албанската државјанка е лишена од слобода и приведена, а патната исправа со Потврда за привремено одземени предмети е одземена.
Истиот ден, во 22,40 часот на ГП – Табановце, допатувал Н.Л.(26) од Албанија и при извршена контрола во патната исправа констатирано е дека недостигаат страниците бр.7/8, 9/10, 15/16, 37/38, 43/44. Поради сомнение дека лицето намерно ја има оштетено својата патна исправа, истото е лишено од слобода и приведено во ПС, а наведената патна исправа со Потврда за привремено одземени предмети е одземена.