Триесет и тригодишен државјанин на Косово викендов бил приведен на Граничниот премин Табановце, оти при преглед кај него била пронајдена патна исправа на македонски државјанин.
Loading...
На 27.03.2021 во 10.40 часот на Граничен премин Табановце, по извршена пасошка контрола, од слобода бил лишен М.Л.(33) од Косово, затоа што на увид приложил патна исправа на име на државјанин на Република Северна Македонија, информираат од Министерството за внатрешни работи.
Како што појаснуваат од полицијата, при преглед кај него била пронајдена лична карта на негово име и уште една патна исправа на државјанин на Република Северна Македонија.
Лицето и предметите биле предадени на полициски службеници од СВР Куманово за понатамошна постапка.
Никола Ивановски