Кашлицата е непријатна последица од вирусните инфекции. Тоа може да се влоши силно, ако не бидат преземени мерки. Но, наместо да трчате до аптеката и да брзате да купувате готови сирупи за кашлање, може да имате корист од силата на природата.
Направете си домашен сируп за кашлица, кој нашите баби некогаш го користеле за лекување на акутни вирусни инфекции на горните дишни патишта. Неговите состојки се лековит мед, лимон и маслиново масло.
Loading...
Овие три компоненти на домашен сируп за кашлица имаат моќен ефект поради природните антиинфламаторни и антибиотски својства.
Медот содржи голем број биоактивни материи кои ги стимулираат оздравувачките процеси во слузницата на усната шуплина, го зголемуваат имунитетот, го потиснуваат воспалението и ги убиваат бактериите.
Маслиновото масло содржи неверојатно големи количини корисни масти. Омега-3 масните киселини во маслиновото масло имаат силно влијание врз имунолошкиот систем и стимулирање на делењето на клетките, што помага за побрзо оздравување и справување со кашлицата.
Лимонот пак е многу богат со витамин Ц, кој е антиоксидант, се бори со воспаленијата, слободните радикали и го зајакнува имунитетот.
Состојки на домашен сируп за кашлица:
200 г мед
60 мл маслиново масло
свежо исцеден сок од 3 лимони
Измешајте ги сите состојки во тенџере на среден оган. Кога смесата ќе почне да крева пареа извадете од топлина, за да се излади. Промешувајте цело време. Откако ќе се излади целосно поместете во стаклено шише за складирање. Чувајте го сирупот во фрижидер и не грижете се дека ќе се расипе, ако не сте го отворале, бидејќи трајноста му е најмалку 3 месеци.
Знаеме дека медот и маслото се многу трајни производи. При кашлица пијте по 1-2 лажици 3 пати на ден.