Независниот кандидат за градоначалник од граѓанската иницијатива „За наше Куманово“ Максим Димитриевски, денеска беше во посета на компанијата Филип Фрос за производство на чевли, каде разговараше со вработените и оствари средба со раководството на оваа компанија.
„Во идниот мандат имаме сериозен план како да ја унапредиме чевларската индустрија во наше Куманово. Заеднички разговаравме за состојбите, предизвиците и процесите од оваа сфера на општественото живеење, за можност за изградба на нов деловен комплекс кој би бил наменет за занаетчиите во градот, вклучително и за нив. Планот е да направиме „Mall“ за продажба на производи од чевларската и текстилната индустрија. Преку една ваква реализација, наше Куманово продолжува да биде препознатлив како град производител на чевли и текстил. Во нашата програма има проекти од сите области кои имаат за цел да го унапредат животот на сите кумановци и да го развијат градот“, рече Димитриевски.