Индиските стоматолози од усната празнина на седумгодишно момче со операција извадиле 526 заби.
Момчето родителите го довеле на преглед на Стоматолошкиот факултет „Саветха“ поради оток и болка во десниот дел на долната вилица, пренесува „Бизнис инсајдер“.
Рендгенските снимки во устата откриле „творба слична на вреќичка“ со повеќе од 500 заби, изјавила Пратиба рамани, професорка по орална и максиофацијална хирургија при универзитетот во градот Ченај во Индија.
– Никогаш до сега во праксата не сме се сретнале со ваков случај, иако состојбата е опишана во медицинската литература, рекла др. Рамани.
Лекарите појасниле дека израстокот има форма на тумор и спречила раст на трајни заби во детската усна празнина. Снимките покажале повеќе рудиментирани заби во ткивото во форма на вреќичка. Иако родителите и лекарите рекле дека е неопходно веднаш да се направи перацисонен зафат, момчето едвај го убедиле тоа да го стори.
Олеснителна околност била што ретката состојба е откриена во рана фаза.
Во текот на петчасовната операција, стоматолозите од устата на седумгодишникот извадиле 526 заби, а снимката покажала дека се со различна големина, од 01, до 15 млиметри.
– Изгледаа како бисери извадени од школка. Дури и најмалиот заб имаше круна, корен и глеѓ, рекла лекарката.
Иако лекарите не знаат која е точната причина за ваквата состојба, претпоставуваат дека една од причините за развој на „вишокот заби“ би била генетиката, а не е исклучено и животната средина да има значителна улога за оваа појава.
Докторката Рамани истакнува дека во соработка со колегите започнала да истражува како да утврдат дели еден од „виновниците“ за ваквата состојба е зрачењето од мобилните телефони.
Објаснил дека единствена долгоорчна негативна појава за момчето би можела да биде вградување на дентални импланти кога ќе наполни 16 години.
Инаку, сличен случај забележан е во 2014 година, кога стоматолози од усна празнина на еден седуманесетгодишник од Мумбаи отстраниле 232 заби.