По 600.000 пара чевли годишно произведувала компанијата „ЧИК“ од Куманово кон почетокот на шеесеттите години од минатиот век, а претставувала најголема и една од најмодерните фабрики во цела Југославија.
Чевлите, производи на „ЧИК“ биле квалитетни и модерни. Фабриката одела во чекор со модата и барањата на потрошувачите. На секои 15 дена се вршела анализа што бара домашниот и странскиот пазар, па според тоа се вршела и ориентација и корекција во производството. Тоа особено важи за моделарницата. Таа секогаш била на штрек, ги откривала последните барања на модата и бргу се реагирало.
Поради тоа кумановската фабрика за чевли „ЧИК“ произведувала прекрасни женски, машки, но и детски модели.
Во почетокот на шеесеттите години била испратена првата пратка чевли за пазарот во Западна Германија, а поголем број западно-германски увозници порачале поголеми количества чевли, задоволни од квалитеот на првата пратка.
Прв контингент машки и женски чевли во 1961 година бил испратен за пазарот во Советскиот сојуз, а во истата година производите на „ЧИК“ за прв пат завршиле и на бугарскиот пазар.
За производите на кумановската фабрика интерес пројавувале и африкански земји, а за плетените мокасинки голем интерес имало во Соединетите Американски држави.
Покрај извозот, стотици илјади чивта разнични модели годишно биле продавани низ Белград, Загреб и Љубљана.
Проект на ЈОУ Библиотека „Тане Георгиевски“ за дигитализација на „Наш весник“
Извор: „Наш весник“ број 18 (недела, 15 јули 1962. година)