Централните банки во страв поради развојот на криптовалутите

Сподели со своите пријатели

Јапонската банка (БОJ) соопшти дека започнала експерименти за проучување на можноста за издавање сопствена дигитална валута.

Loading...

Овој потег им се придружува на другите глобални централни банки во истражувањето на опциите во дигиталниот сектор.

Веќе имаме т.н. крипто долар, Кинезите подготвуваат план за дигитален јуан да влезе во масовна употреба, а Русија најави и тестирање на руската рубља во електронска форма, веќе оваа година. Покрај тоа, Шведска има намера да стане првото општество без готовина во светот, со воведување на дигиталната круна.

 

 

Пилот програма

Според регулаторот, првата фаза на експерименти ќе се изврши до март 2022 година и ќе се фокусира на испитување на техничката изводливост на издавање, дистрибуција и купување дигитална валута на централната банка (CBDC).

Loading...

Потоа, ќе премине на втората фаза од експериментите, кои ќе ги проучуваат подеталните функции: на пример, дали да се постават ограничувања на количината на CBDC што може да ги има секој субјект.

Планот на Јапонската банка да започне со експерименти со тоа како да управува со сопствената дигитална валута беше објавен во октомври. Нејзиниот извршен директор, Шиничи Учида, минатиот месец рече дека банката, доколку е потребно, ќе започне пилот програма со вклучување на даватели на услуги за плаќање и крајни корисници.

 

 

Модернизација на финансиските системи

Објавата на Јапонската банка доаѓа во време кога глобалните централни банки напредуваат со иницијативи за развој на сопствени дигитални валути.

Тие сакаат да ги модернизираат финансиските системи и со тоа да ја одбијат „заканата“ што доаѓа од крипто-валутите, како и да ги забрзаат домашните и меѓународните плаќања.

Loading...

Во Кина, во моментов се одвива големо пилот-тестирање на дигиталниот јуан во поголемите градови низ целата земја.

Националната централна банка планира суверената дигитална валута да биде подготвена навреме за Зимските олимписки игри што ќе бидат организирани во 2022 година.


Leave a Reply

Your email address will not be published. Required fields are marked *