Rockstar Games објави свој Launcher на игри, и изгледа како место од каде можат да се купат претходни и идни наслови на популарното студио.
За да ги охрабри корисниците да го проверат и пробаат Launcher-от, Rockstar ќе им овозможи на гејмерите да ги преземаат игрите Grand Theft Auto: San Andreas бесплатно за ограничено време.
Лесно е да ја преземете и инсталирате играта преку лаунчерот на Rockstar и ќе ја имате во вашата библиотека засекогаш.
Launcher-от е сè уште во раните фази, но ќе имплементира зачувување на прогресот засновано на клауд и автоматско ажурирање. Игрите, кои се достапни за купување, вклучуваат некои други наслови на Grand Theft Auto, L.A. Noire, Max Payne 3 и Bully.
Launcher-от исто така може да скенира компјутер на корисникот и да открие претходно купени наслови на Rockstar во други Launcher-и (како што е Steam) и да ги додаде во нивната библиотека за брз пристап.