Минситерот Венко Филипче денеска истакна дека после оној мини пик, како што беше голем притисокот на почеток на неделата, бројките сега се мали.
-Денеска вкупниот број на новодијагностицирани повторно бележи пад, под 900, некаде околу 890, за кратко време ќе излезат и официјалните информации меѓутоа тоа сето го гледаме и во болниците како во Скопје, така и ширум државата. Тој притисок што го имаше претходно го нема. Се уште има пријави и се уште сме внимателни заради тоа што има голема бројка на дијагностицирани пациенти на кои може да им затреба болнички третман меѓутоа не е таква бројката на приеми каква што беше пред една недела, рече минситерот Филипче.
Министерот издрази надеж дека овој тренд ќе продолжи и дека ова се знаци дека и овој бран стивнува.
Никола Ивановски