Борова шума вчера горела во атарот на селото Стрезовце, кумановско.
Како што информираат од Регионалниот центар за управување со кризи тројца пожарникари со едно противпожарно возило излегле во 14:45 часот и пожарот го гаснеле до 16:00 часот.
Засега не се познати ниту причините за избувнување, ниту пак колкава површина од шумата била опожарена.
Пожарникарите од Територијалната противпожарна единица Куманово интервенција бележат и во атарот на селото Романовце, на бензинска пумпа каде се запалил отпад.
Тројца пожарникари во период од 15:20 до 15:50 часот интервенирале на пумпата со цел да се спречи катастрофа од поголеми размери.