Институтот за бои „Pantone“ откри дека 2020 година ќе биде во знакот на класично сината боја.
Станува збор за безвременска нијана (Classic Blue 19-4052) која е елегантна во својата едноставност.
Наликува на бојата на небото при самрак, и има убедлив квалитет и навестување за сигурност.
Ја поттикнува желбата за сигурна основа врз која се градат сите здрави врски.
„Тоа е боја на очекување“, додаде Лори Пресмен, потпретседател на Институтот за бои.
Во согласност со своето име, оваа боја може да биде кралска, воздржана, но и екстремна, особено кога е претставена со различни обрасци, материјали и тонови.
Институтот за боја „Пантон“во декември ги објавува своите предвидувања за следната година, врз основа на анализа на тековните модни трендови, технологии и услови.
Според нив, 2019 година беше обележана со корална боја (Living Coral 16-1546), 2018 година беше обоена во ултравиолетова боја (Ultra Violet 18-3838), додека во 2017 година беше истакната во зелена боја (Greenery 15-0343).