Бил Гејтс: „Криптовалутите не придонесуваат за општеството“

Сподели со своите пријатели

Ко-основачот на Мајкрософт, милијардерот Бил Гејтс објасни зошто не поседува никаква дигитална валута или зошто не инвестира во криптовалути.

Loading...

Тој рече дека не инвестира во криптовалути затоа што сака да инвестира во работи со „вредни резултати“ и кои даваат одреден придонес во општеството.

„Сакам да инвестирам во работи кои имаат вреден резултат. Вредноста на компаниите се заснова на тоа како тие прават одлични производи. Вредноста на криптовалутите е токму она што друго лице одлучува дека некој друг ќе плати за тоа, така што тоа не придонесува на општеството како и другите инвестиции“, рече тој.

ПРОЧИТАЈТЕ И:  Во Јапонија лани регистрирани рекордни 123.000 случаи на злоупотреба на деца

Бил Гејтс и претходно изрази скептицизам за биткоинот.

Изјавата на Гејтс дојде во средината на извештајот за падот на криптовалутите, но ситуацијата се подобрува во последните денови.

Агенциите известуваат дека биткоинот забележа најголем раст во последните две недели, приближувајќи се до нивото од 31.000 долари денес, бидејќи кинеското олеснување на мерките за коронавирусот го поттикна ентузијазмот на инвеститорите за инвестирање во поризични средства.

Најголемата светска криптовалута по пазарна капитализација зајакна за дури 5,8 отсто на 30.858 долари на денешното тргување во Лондон, пренесува „Блумберг“.

Закрепнаа и етерот и другите помали криптовалути, како што е аваланш, која нагло падна минатата недела додека биткоинот беше релативно стабилен. Етер порасна за 6,6 отсто, додека аваланш и Солана скокнаа за 9,0 и 6,0 отсто, соодветно.

Loading...
ПРОЧИТАЈТЕ И:  Џакарта повеќе нема да биде главен град на Индонезија

Бил Гејтс и претходно предупреди да не се инвестира во криптовалути

Гејтс претходно ги предупреди луѓето да не инвестираат во криптовалути, особено оние со „помалку пари“ или оние кои не се толку богати како Илон Маск.

Гејтс предупреди и за влијанието на криптовалутите врз животната средина бидејќи во 2021 година, рударството на крипто сочинуваше 0,5% од електричната енергија што се користи на глобално ниво.