Времето кога производителите на автомобили сe повеќе ги напуштаат класичните мануелни менувачи и се префрлаат на автоматските, изгледа како вистинско прашање што треба да се постави: Дали мануелните менувачи траат подолго од автоматските и дали возилата со „класичен“ менувач траат подолго од оние со автоматски менувачи?
И на самиот почеток на приказната, одговорот е да! Возилата со рачен менувач имаат тенденција да траат подолго од оние со автоматски.
Меѓутоа, тоа не мора секогаш да биде така. Така, на пример, кога возачот е премногу „груб на менувачот“, ќе се истроши многу побрзо и ќе треба да се смени.
Каков тип на менувач би избрале при купување автомобил?
1. Автоматски
2. „Класичен“ менувач
3. Небитно ако ми одговараат сите други карактеристики на автомобилот
4. Небитно ако цената на автомобилот ми одговара
Поновите автомати се поефикасни од постарите
Сепак, најновите модели на автоматски менувачи се поефикасни од претходните генерации и побавно се „трошат“, па во идеални работни услови може да се споредат со издржливоста на „класичните“ менувачи.
Поради поголемиот степен на контрола што го има возачот, потрошувачката на гориво кај возилата со рачен менувач е поекономична отколку кај автоматските. Меѓутоа, потрошувачката на гориво, како и емисијата на издувни гасови, на кои производителите на автомобили им даваат поголем приоритет, зависат многу од возраста на возилото.
Затоа, генерално, потрошувачката на гориво кај сите нови автомобили е помала во споредба со претходните генерации.
Дефекти и трошоци за одржување
Ако се земат предвид вкупните трошоци за одржување на автомобилот, тогаш мора да се земе предвид и рачниот менувач. Тоа е, само по себе, технички многу поедноставен систем, поради што неговото одржување и поправки се многу поевтини.
Не е дека трошоците за одржување воопшто не постојат, но тие можат да варираат од случај до случај.
