24.06.2017 01:33

Арапските земји побараа Катар да ја затвори „Ал Џазира“

loading...

Арапските земји кои неодамна ги прекинаа односите со Катар, бараат од таа земја во рок до 10 дена да ја затвори катарската телевизија „Ал Џазира“ и нејзините подружнии, да ги прекине дипломатските врски со Иран и воената соработка со Турција, како и врските со „терористичките организации“, јавуваат светските медиуми.

Агенцијата „Асошиејтед прес“ потсетува дека Саудиска Арабија, Обединетите Арапски Емирати, Бахреин и Египет претходно овој месец ги прекинаа сите врски со Катар, обвинувајќи ја таа земја дека го поддржува и финансира тероризмот.

Овие арапски земји бараат од Катар да ги протера припадниците на иранската Револуционерна гарда, да ги затвори катарските дипломатски претставништва во иран и со Техеран да ги прекине дипломатски врски и било каква заедничка воена соработка, додека трговијата со иран би била дозволена под строги правила на меѓународните и американски санкции, наведува „АП“ кој имале увид во тој документ.

Арапските земји исто така бараат гасење на телевизиските канали „Ал Џезира“ и нејзините подружници „Араби21“, „Рашид“ „Ал Араби Ал Џадид“ и „Мидл ист ај“.

Меѓу барањата се нашло и моментално завршување на воената соработка со Турција на територијата на Катар, како и повлекување на торската воена техника, што во суштина значи дека ќе дојде до гаснење на турската база во Катар.

Покрај доста јасните барања, арапските земи упатија и помали прецизни барања, кои можат да се протолкуваат како субјективни, затоа што бараат да се предадат „терористички личности“ и барани индивидуалци.

Друг таков пример е финансиската надокната за губење на живот, како директен резултат на катарската политика, а сумата би била одредена во договор со Катар.

„АП“ укажува дека не е јаасно што ќе се случи доколку Катар одбие да ги прифати сите овие барања.


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments