Американецот Јонел Браун ќе се обиде да го замени Костоски (видео)

Сподели со своите пријатели

Кошакркарскиот клуб Куманово доби нов член. На местото на досегашниот плејмејкер и капитен на клубот, Александар Костоски кој потпиша со романскиот Питешти, веќе во среда ќе се најде американскиот интернационалец Јонел Браун.

Браун ќе игра на плејмејкерската позиција, а доаѓа од редовите на кипарскиот тим Ниар Ист Универзитетит, каде има играно со „поранешниот кумановец“ Вукашин Мандиќ. Браун е државјанин на Соединетите Американски Држави, каде настапувал за Кенеси Универзитетот, а има 22 години и е висок 175 сантиметри.

Браун беше избран како дел од втората најдобра петорка во „Атлантик Сан“ конференцијата, откако во просек бележеше по 18,6 поени во дресот на Кенесо стејт. Тој се пријавил во драфтот на НБА-лигата што се одржа минатото лето, откако не беше избран од ниту еден клуб реши да се пресели во Европа, негова прва станица беше Никозија, Кипар, од каде Браун ќе му се приклучи на тимот на Куманово.