Американските производители на оружје произвеле повеќе од 139 милиони пиштоли за комерцијалниот пазар во последните две децении, вклучително и 11,3 милиони само во 2020 година, според новиот владин извештај.
Во истиот период, САД увезле уште 71 милион огнено оружје, а извезле само 7,5 милиони, што доведува до заклучок дека земјата буквално „плива“ во лично оружје.
Поради оваа диспропорција, зголемена е стапката на насилство, убиства и самоубиства, се вели во извештајот на Министерството за правда.
Белорусија воведува смртна казна за „обид за терористички акт“
Извештајот покажува дека Американците, иако претпочитаат полуавтоматски пушки што често ги гледаме во масовните пукања, масовно купиле полуавтоматски пиштоли со калибар 9 милиметри кои се поевтини, попрецизни и полесни за употреба и често се користат од полицијата.
Во извештајот, исто така, се вели дека властите забележале зголемување на нерегистрираните „невидливи пиштоли“ кои можат да се направат дома од делови купени преку iнтернет или испечатени со 3-Д печатач.
Има се повеќе пиштоли и пушки со кратка цевка кои се исто толку смртоносни и моќни како и полуавтоматските пушки што се користат во масовните пукања.
„Можеме да се соочиме со сегашниот пораст на насилството само ако ги имаме најдобрите можни информации и ги користиме најефективните алатки и истражувања за да ја постигнеме нашата цел“, рече заменик-јавниот обвинител Лиза Монако.
Зошто Ердоган сака да го блокира влезот на Шведска и Финска во НАТО?
„Овој извештај е чекор во вистинската насока. Одделот ќе продолжи да ги собира податоците потребни за дизајнирање пристап до најзначајните причини за насилство и отстранување на напаѓачите од улиците“, додаде таа.
Извештајот беше претставен откако во текот на викендот стана јасно дека премногу пиштоли на пазарот оставиле трага во американското општество.
Во градот Бафало, Њујорк, 18-годишен белец воден од расистичка омраза уби 10 Афроамериканци; во калифорнискиот град Лагуна Вудс, маж уби пет лица со пиштол од девет милиметри во црква во која посетуваат Тајванци; во Милвоки, Висконсин, повеќе од 20 луѓе беа повредени во пукање во центарот на градот тоа попладне.
Што всушност се случи во Азовстал? Предавање или „операција за спасување“?
Минатата недела, Центрите за контрола и превенција на болести објавија дека бројот на смртни случаи од огнено оружје во САД во 2020 година достигна историски максимум.
Имаше 19.350 убиства во САД во 2020 година, речиси 35 отсто повеќе отколку во 2019 година, и 24.245 самоубиства со огнено оружје – што е зголемување за 1,5 отсто во однос на претходната година.
Стапката на убиства со огнено оружје во 2020 година беше 6,1 на 100.000 жители, што е најголем број во последните 25 години.
ЦДЦ тврди дека скокот можеби е поврзан со пандемијата на коронавирус и сиромаштијата.
Во последните две децении, индустријата за оружје значително порасна. Во 2000 година во САД имало 2.222 регистрирани активни производители, додека во 2020 година тој број достигнал 16.963.
Годишното производство на комерцијални пиштоли, исто така, скокна: од 3,9 милиони произведени во 2000 година, на 11,3 милиони произведени 20 години подоцна. Но, тоа е сепак помалку од рекордот во 2016 година кога беа произведени 11,9 милиони парчиња пиштоли за комерцијални цели.
Безос и Бајден започнаа караница на Твитер: Кој е виновен за високата инфлација?
Од продаденото оружје во 2020 година, речиси половина биле пиштоли, чиј удел на пазарот е двојно зголемен од 2000 година: во 2020 година на пазарот влегоа 5,5 милиони пиштоли и речиси милион револвери.
Оружјето произведено од официјални производители мора да има сериски број на нив за да може да се следи.
Но, официјалните лица се загрижени поради зголемениот број „невидливи рачно изработени пиштоли“ кои немаат такви ознаки и се повеќе се поврзани со криминал.
Новиот извештај е првиот дел од истражувањето на пазарот во четири дела и нелегалната продажба на оружје.