Нема ништо почисто на овој свет од љубовта кон детето. Најдобар доказ е видеото објавено на Твитер од @TeesePeese.
Таа пет години ги снимала радосните реакции на синот кога ја видел како доаѓа да го земе во градинка. Од нив направила компилација која станала вирална.
„Навистина го сакам ова видео. Го снимав речиси секој ден од неговата реакција кога го земав во раце и секој пат реагираше вака. За неговиот 5-ти роденден ја направив оваа компилација, од периодот кога беше доенче до минатата недела.” напиша таа во описот.
Очигледно, момчето ја обожава својата мајка. Кога ќе ја види, се насмевнува, скока од радост и едвај чека да ја прегрне.
Новопечените родители понекогаш се грижат дека испраќањето дете во градинка негативно ќе влијае на приврзаноста на детето, но според психологот Ноам Шпанзер, таа загриженост е неоснована се додека домашната средина е здрава.
„Достапните податоци покажуваат дека кај повеќето деца приврзаноста кон родителите не се менува ако одат во градинка. Најсилниот индикатор за приврзаност на родителите и децата се променливите во домот“, пишува Шпансер.
А од видеото се гледа дека приврзаноста на ова дете со родителот не настрадала бидејќи дел од денот минувал во градинка.
i really do love this video. i recorded my son’s pick up almost every day and this is his reaction every single time. for his 5th bday (yesterday) i took my favorites and made a lil compilation, from infancy to just last week 🤗💙 pic.twitter.com/8Hc7BjlBpF
— Teese (@TeesePeese) October 30, 2021