50 отсто од Македонците сметаат дека ЕУ допринесува само за богатите и моќните

Сподели со своите пријатели

Најголеми евроскептици на Западен Балкан се Србите, покажало истражувањето на програмата ЕУ „Хоризон“.

Според истражувањето, граѓаните на Косово, кои во оваа истражување се сметаат како посебни, како и Албанија, најмногу се свртени кон Европската унија во регионот.

Според тие податоците, Србија на Западен Балкан предничи и во ставот дека ЕУ носи корист само за оние кои се богати и моќни, а тоа го сметаат 60 отсто до Србите, додека слично е мислењето и во Македонија, односно 50 проценти од Македонците се евроскептици.

Како се наведува, Србите во ЕУ гледаат закана, како врз културниот идентитет, така и врз економијата, додека најмалку се плашат за тоа испитаниците од Албанија, кои од сите учесници во анкетата во најмала мера сметаат дека ЕУ е лоша за нивната економија.

Истражувањето покажало дека Црногорците, иако се најблизу со влез во ЕУ, се поскептични од граѓаните на Косово и Албанија, како и дека слични ставови во сите три области имаат Македонија и Босна и Херцеговина, кои не се толку евроскептици како Србија, ниту пак гледаат огромна закана од ЕУ врз нивната економија и културен идентитет, како што на тоа гледаат Србите.