Индонезискиот вулкан Семеро продолжи да исфрла големи количества пепел во понеделникот, неколку дена по силната ерупција во која загинаа 15 луѓе, додека потрагата по десетици исчезнати луѓе ја отежнува лошото време.
Највисоката планина на островот Јава силно еруптираше во саботата, фрлајќи огромно количество пепел на небото над околните села.
Бројот на загинати се искачи на 15, а 27 се водат како исчезнати, соопшти во понеделникот Индонезиската агенција за управување со катастрофи.
„Еден од најактивните вулкани во Индонезија“
Вулканот повторно еруптираше во понеделникот наутро, потврди на Твитер Индонезискиот центар за вулканологија и геологија (ПВМБГ), предупредувајќи на континуирана сеизмичка активност.
Семеру е еден од најактивните вулкани во Индонезија.
Некои загрижени жители се вратија во своите домови за да ги прегледаат имотот и добитокот, а Лисванто ги повика да бидат внимателни.
„Луѓето треба да бидат повнимателни бидејќи потенцијалната закана сè уште постои“, додаде тој.
Лошото време ја отежнува потрагата
Во областа Самбервулух, спасувачките тимови се мачеа со лошите временски услови додека се обидуваа да ги извлечат жртвите од урнатините.
„Баравме девет исчезнати лица во ова село и, фала му на Бога, ги најдовме (телата) на три жртви“, рече Естианто Хедриантоно, шеф на локалната потрага. Тој додаде дека дополнителен предизвик е „што биле заробени под трупци и камења, а земјата е сè уште жешка“.
Луѓето објавуваа фотографии од нивните исчезнати роднини на Фејсбук и бараа какви било информации за нив.
Текот на лавата по ерупцијата во саботата уништи мост што поврзува две области во блиската област Лумајанг со градот Маланг, што ги отежнува спасувачките напори.
Еден од повеќе од 100 активни вулкани
Обезбедени се оброци и медицинска помош за повеќе од 1.700 евакуирани.
Тим за третман на траума е испратен на терен за да им помогне на децата погодени од ерупцијата, објави Си-Ен-Ен Индонезија, а во областа се испратени стотици пакети со помош, вклучувајќи ориз, ќебиња, облека и други основни потреби.
Семеру е еден од повеќе од 100-те активни вулкани во Индонезија, земја која се протега низ Огнениот прстен на Тихиот Океан, област со висока сеизмичка активност.