Тринаесет лица загинаа во поплавите предизвикани од обилните дождови што на Божиќ го зафатија јужниот дел на Филипините, соопштија денеска властите.
Loading...
Потрагата по 23 лица сѐ уште е во тек, а нивото на водата почна да опаѓа, јавува Ројтерс.
Силниот дожд ги прекина божиќните прослави и принуди повеќе од 45.000 луѓе да се засолнат во центрите за евакуација, соопшти агенцијата за вонредни состојби.
Сликите на социјалните мрежи покажуваат дека членовите на крајбрежната стража, полицијата и пожарникарите поминуваат низ вода до половината и носат граѓани.
Спасувачките операции продолжија, а се проценуваат штетите во земјоделството.