18.02.2018 14:52

ЗОИ 2018: Фуркад со фотофиниш до второто злато во Пјонгчанг


Францускиот бијатлонец Мартан Фуркад триумфираше на трката на 15 километри масовен старт на Зимските олимписки игри во Пјонгчанг.

Фуркад на целта стигна со идентично време како Германецот Симон Шемп, но златото му припадна на францускиот олимпиец откако беше прегледана снимката од фотофинишот, на која тој е само неколку милиметри понапред.

Фуркад и Шемп трката ја завршија за 35 минути, 47 секунди и три десетинки, а зад нив беше олимпискиот шампион од 2014 година Емил Хегле Свендсен од Норвешка, кој ја освои бронзата.

Претходно, Фуркад го освои и златото во потера на 12,5 километри. /МИА


© Крадењето авторски содржини е забрането со закон. Преземањето на текстови, изјави или фотографии во авторска сопственост на порталот Кумановски Муабети е дозволено делумно, со задолжителен хиперлинк до содржината која се пренесува.

Последни наслови

Facebook Comments