Сега веќе поранешниот претседател на Зимбабве, Роберт Мугабе поседува приватна палата со 25 спални соби во Хараре вредна 10 милиони долари.
Неговата палата, наречена „Синиот кров“ има две езера и се наоѓа на имот од 44 хектари, сокриена од јавноста и заштитена со безбедносен систем вреден повеќе милиони долари.
Објавената фотографија покажува екстравагантен имот на Мугабе, декориран со мермерни подови, скапи лустери и базен.
Според објавената публикација, зградата ја градела српска градежна фирма „Енергопроект“ по кинески архитектонски дизајн.
Очигледно е дека 93-годишниот владетел уживал во луксузот заедно со сопругата Грејс, далеку од болките и маките кои ги чувствувале останатите жители на Зимбабве.
Фотографиите се бојавени како доказ дека Мугабе и неговата сопруга трошеле милиони за себе и своите потреби.
Мугабе поднесе оставка пред непосредна непослушност на војската, но и членовите на неговата партија Зану ПФ, по што воените сили презедоа контрола над земјата.
Зану ПФ отфрли човек кој 37 години ја водеше земјата и го замени со поранешниот претседател Емерсон Мнангагва, кој се очекува денеска да положи свечена заклетва.
Loading...