Една жена од Тексас е уапсена оваа недела бидејќи наводно украла погребна кола пред болница, во која се наоѓало телото на починатиот, пренесува Law&Crime.
Валери Треглор-Елис (36) од Ајсл, рурално предградие на Форт Ворт, беше обвинета за кражба на автомобили и злоупотреба на труп, според полицискиот оддел во Форт Ворт.
Инцидентот се случил во вторникот вечерта околу 19 часот, кога полицијата првпат добила дојава за украдено возило од еден од бројните паркинзи на блиската болница, позната по итните и психијатриските служби.
Кога полицајците пристигнале, дознале дека возачот на погребната кола го оставил своето возило – и починатиот – за да извлечат друго тело од болницата, се вели во полицискиот извештај.
Меѓутоа, кога се вратил, и возилото и починатиот внатре ги немало.
„Додека возачот бил во болница, осомничената, возрасна жена, влегла во возилото без возачка дозвола и побегнала од паркингот“, изјави за Law&Crime портпаролот на полицијата во Форт Ворт.
Возилото било пронајдено набргу потоа на околу два километри западно на долга, стрмна и ридска споредна улица која формира голем дел од источната граница на огромната зоолошка градина Форт Ворт од 64 хектари.
„Украденото возило и телото на починатиот подоцна се пронајдени и вратени недопрени, без оштетувања“, соопштија од полицијата.
Наводно, безбедносните камери ја покажале осомничената како излегува од возилото и бега.
Осомничената набрзо е пронајдена и без инцидент приведена и пренесена во градскиот затвор“, соопштија од полицијата.
„Возилото и починатиот се вратени на возачот на погребалното.
Мотивот за инцидентот засега е непознат, а органите на прогонот јавно не шпекулираат за наводните кражби, наведува овој портал.