Москва има цврсти докази за деструктивно мешање на некои западни земји во руските внатрешни работи во пресрет на претседателските избори закажани за следниот месец, изјави денеска портпаролката на Министерството за надворешни работи на Русија, Марија Захарова.
Според Захарова, Москва веќе ги предупредила тие земји дека „таквите активности треба да прекинат“.
– Доколку не прекинат, ние ќе будеме принудени да преземеме контрамерки, додаде Захарова на прес-конференција во Москва.
Захарова, меѓутоа, не соопшти детали за какви мешања во внатрешните работи на Русија станува збор.
Претседателските избори во Русија се закажани за 18 март.